المطبخ
الارز بالحليب
المكونات
2كوباية لبن طازج
ربع كوباية رز
نص كوب كريمة لباني
م كريم شانتيه بودر
4معلقة كبار سكر
1 معلقة طعام مليانة نشا ذرة
وفانيليا
للتزين
جوز هند والزبيب وبندق مجروش
حنجيب كاسارول وحنحط فيها (اللبن والكريمه اللباني)الرز المغسول
والسكر
حنرفعها على النار لحد ما تغلي غلوة واحدة بس او تسخن جداً ونطفي عليها ونسيبها لحوالي ساعة . والسبب اننا بنخلي الرز يستوي براحتة من أثر الحرارة وحيبقى بعد كدة كريمي جداً وبيدوب لوحدة بس محافظ على شكلة وحجمه . والأهم انك لما تيجي تاكلي الرز بلبن تحسي اني الرز كان منقوع في لبن مش في مية وطعمه فعلا طعم اللبن ثم حنولع النار على الرز بلبن تاني ونسيبها تغلي كدة حوالى 10ق مع التقليب المستمر وحنلاحظ ان الرز استوى نهائي وبقي طري وجميل.حنذوب معلقة النشا والكريم شانتيه في مية عادية وحنضيفها على الرز بلبن مع التحريك المستمر بالمعلقة الخشب ونقلب ثم معلقه الفانليا اخر شىء ثم طفى النار وسبيه يهدي شوية وصبيته في الكاسات وزينيه نضع علي الوجه بعض المانجواو فراوله ومكسرات زي ماتحبي وتدخليه الثلاجة ويقدم بارد


